Thursday, October 1, 2015

a wilful slave :)

శుద్ధంగా సుప్రభాతపు సాంబ్రాణిలా,  గదులన్నీ కలియదిరిగిన సన్న గజ్జెల మేల్కొలుపు
గుండెచప్పుళ్ళకు కృతజ్ఞతగా నలిచిన మరువపు కొమ్మంత కమ్మని ఉదయప్రార్ధనలు
రాలిన ఉసిరి పూలతో పోటీపడే నీ చేతి కొబ్బరి ఈనెలు                                                                    -----------( చీపిరి ) 
తడారని ప్రేమకు మరల విరగబూసిన తెల్లచేమంతులు
గిన్నెలకు సరిగమలు నేర్పుతూ   చేతి  మట్టి గాజులు
అలసి సర్దిన ముంగురుల ధాటికి  ముద్దుగా వొణికే చెవి బుట్టలు
మునివేళ్ళ  మాయలా మూరెడు దారానికి పూచిన పూలపేటలు
నిదుర కౌగిట్లోకి జార్చేందుకు నువు తురిమిన విరజాజుల జోలపాటలు
 మగతగా వినిపించే కీచురాళ్ల  గుసగుసల మధ్య  ఊపిరంత వెచ్చని వేసవి గురుతులు..................................................
ఆకాశపు పండక్కి ముస్తాబైన జాబిల్లికూనలు చుక్కలు
 మేఘాలను తోసుకుంటూ  జాబిలమ్మ జిలుగులు 
నీ పక్క ఒరిగిన నా కోసం వెన్నెలల్లే జారిన చిరునవ్వు
వాలే రెప్పల మీదుగా నా తల నిమిరే నువ్వు  
జీవితమంతా ఈ ఒక్క క్షణంగా మారిపోవాలనే తీరని ఆశ
మాటల కోటలకు అందని ఈ స్పర్శను వర్ణించే ఓడిన ప్రయాస
అమ్మను సృష్టించిన అమృత హస్తాలకు .. ఇష్ట బానిస ...
--------Joice
 Oct 28 2009


Sudhamgaa suprabhathapu sambraanilaa gadulanni kaliya dirigina sanna gajjela melkolupu
Gundechappullaku kruthagnathagaa nalichina maruvapu kommantha kammani udaya praardhanalu
 Raalina usiri poolatho poteepade nee cheethikobbari eenelu
 Thadaarani premaku marala viraga boosina tellachemanthulu
 Ginnelaku sarigamalu  nerputhu chethi matti gaajulu
Alasi sardina mungurula dhaatiki muddugaaa vonike chevi buttalu
 Munivella maayalaa mooredu daaraaniki poochina poolapetalu
 Nidura kougitloki jaarchenduku nuvu turimina virajaajula jolapaatalu
 Magathagaa vinipinche keechuralla gusagusala madhya oopirantha vechani vesavi guruthulu..........

Aakasapu pandakki mustaabaina jaabilli koonalu chukkalu
Meeghaalanu tosukuntu jaabilamma jilugulu
Nee pakka origina naa kosam vennelalle jaarina chirunavvu
 Vaale reppala meedugaa naa thala nimire nuvvu
Jeevithamanthaa ee okka kshanamgaa maaripovaalane teerani aasa
 Maatala kotalaku andani ee sparsanu varninche odina prayaasa
 Ammanu srushtinchina ......amrutha hastaalaku ishta baanisa

No comments:

Post a Comment

There was an error in this gadget